رسائل جواااال رووووعة

رسائل جوااااااااال ذوووووق

>>>>>>>>
أحتاجلك لاضيـق الوقت صدري
أبيك تمسح عن عيوني شقاها

وأحتاجلك إذا الفرح ضم فجري
ودي تحس بفرحتي ياهناها

أبيك تسأل عن حياتي وتدري
عن ضحكةأيامي ووافي عناها

أحتاجلك في كل لحظة بعمري
لاصرت روحي كيف أبحيا بلاها

>>>>>>>>>>>>>>>

صعبه اعيش ايام عمري بلياك
وانت الحياة بدون شوفتك كآبه

تعال خذني لآخر حدود دنياك
مليت اقاسي من زماني عذابه !!

حاولت لكن ما تحملت فرقاك
بـُـعدك عذاب وفي حضورك مهابه !!

للشوق فيني شي لا ماعتقد جاك
حوّل حياتي للملل والرتابه

أوقات اشوف ان الغلا ما تعداك
واحيان احس ان الهوى للغلابه !!

بين المحال وبين خافي نواياك
حار السؤال ولا لقيت الاجابة !!

كانك تقول هموم وقتك تقفاك
وش حيلة اللي صار همه زهابه

يطرد سرابك في متاهات رجواك
نفس الطريق اللي مشيته مشابه

قلب ٍ يحبك كيف يسلا وينساك
ماللفضاء لو شفت دونك رحابه

خليتني عايش على حد الادراك
مثل الجريح اللي تمادى صوابه

ماحد ٍ ملأ عيني من الناس لولاك
في غيبتك كل الاوادم تشابه

هذا الشعور اللي من اقصاي ينخاك
يبي القليل وما عطيته رضابه

كل القصايد داخلي همها ارضاك
حبك مدادي لا بغيت الكتابه

أجيك كلي يوم كلي فداياك
كلش يهون الا الحبيب وغياااااااااااابه

رد الوفاء والحب للي تمناك
قفى العمر واحلى ليالي شبابه
جاتك مشاعر مالها غير شرواك
دامك ملكت الروح وين الغرابه !!
...\